「 銀齡守護者」計劃｜中年導遊轉行加入護老行業 免費課程助新手入行
「係院舍照顧長者係宜家最需要香港人做嘅工作！」
去年年底從「銀齡守護者計劃」畢業之後，靜儀好快就進入香港一間安老院舍做長者照顧員。每日起早摸黑，她提醒自己絕對唔可以遲到。「許多老人家等住你返去照顧㗎，」靜儀話，佢好珍惜院舍中認識嘅長者，只要細心留意，每個老人家都有獨特嘅故事。
今年55歲嘅靜儀疫情前係本地導遊，常常接待外國遊客。呢幾年佢決心轉行，挑戰坊間常常認為係「厭惡性行業」嘅工作，一切就從「銀齡守護者計劃」開始。
「有一次聽咗銀齡嘅簡介會之後，我覺得好吸引，呢個長者護理培訓課程和市面上唔同，好強調以老為本，而且要求嚴謹，還會跟進就業。」靜儀說，課程中她學習了一系列軟硬技術，既有長者護理、復康嘅硬知識，又有許多同長者溝通嘅技巧。到了院舍工作，她覺得溝通至關重要，無論係同長者，抑或同社工、治療師、護士等唔同崗位嘅同事，都要保持細心溝通。
從培訓到入行就業，靜儀深感長者照顧係唔容易但又充滿意義嘅工作。「我覺得係院舍照顧長者係宜家最需要香港人做嘅工作！所以係安老業唔同崗位中，我首選院舍工作。」靜儀覺得，伴隨香港人口老化，呢個行業好需要有心又有素質嘅同工，佢期待更多新血加入。
「銀齡守護者」計劃助新手入行：8星期免費長者護理課程
「銀齡守護者」計劃以重新定義長者護理為目標，由同理心出發，致力推動 「老友為本、以同理心陪伴長者 」為本的銀齡護理使命。課程除了護理復康專業知識、著重實戰的實務技巧訓練，更參考外國互動教學模式，加入真實工作情境模擬，增強學員臨場應變能力及同理心。
學費全免。畢業學員將獲安排定工作配對及設有一對一社工職涯規劃輔導，協助學員適應入職新挑戰。
免費長者護理課程
開課日期： 2023年7月10日（第十四屆）
上課時間： 逢星期一至五，上午9時至下午5時 (8星期 – 約21天全日＋17天半日)
培訓及策略夥伴： 仁愛堂YES培訓學院
學費： 全免 (名額有限，先到先得)
入讀資格: 有志投身安老行業、18歲或以上、學歷不拘
Whatsapp 查詢： 9383 6547
